Në një lidhje direkte në “Info Nata” në Tëvë 1, ai deklaroi se Mali i Zi do të shkojë në zgjedhje të reja.
Kjo pasi që presidenti malazez, Milo Gjukanoviq nuk e ka pranuar propozimin e partive që pretendonin se kanë shumicën për ta zgjedhur kryeministrin.
Sipas tij, ky refuzim është bërë nga Gjukanoviq për shkak se bëhet fjalë për mosseriozitet në punë.
“Sonte është lajm i fundit se Gjukanoviq nuk e pranoi kandidatin e shumicës 2020 zotin Mlekiq me pretendimet se duket sipas tij se nuk është një seriozitet në punë dhe se bëhet fjalë vetëm për shtyrje, fitim të kohës kështu që Gjukanoviq e përdori mundësinë tjetër që të kërkojë prej Parlamentit që t’i shkurtohet mandati dhe të kalohet në përgatitjet e zgjedhjeve të reja”, tha ai.
Tutje, Berisha bëri të ditur se më 30 shtator do të mbahet seanca e Kuvendit të Malit të Zi për të caktuar datën e zgjedhjeve.
“Pra sipas informatave të fundit, Mali i Zi me siguri do të shkojë në zgjedhje parlamentare në fakt Parlamenti e ka fjalën tani me 30 të këtij muaji është caktuar mbledhja ku kjo shumicë prej 41 deputetë, përkutjojmë se ka 81 deputetë, pra shumica është vetëm me një deputet më shumë… Këta deputetë thanë sonte se nuk do ta mbështesin kërkesën e Gjukanoviqit për shkurtimin e mandatit”, tha ndër tjerash ai./teve1.info/
