Ish-deputeti i PDK-së, Hisen Berisha ka deklaruar se detyrimi i faktorëve ndërkombëtarë është që t`i ofrojë zgjidhje Kosovës nga ngërçi politik.
Sa i përket kandidates për kryetare të Kuvendit dhe moskonstituimi i tij, Berisha thotë se problemin e kanë me individin, pasi që sipas tij Haxhiu nuk i plotëson kriteret e integritetit personal për ta bartur përgjithësinë.
Ndërsa, sa i përket votat për qeveri, ish-deputeti thotë se Kurti i ka votat për qeveri nga Lista Serbe.
Madje, ai thotë se tendenca e votës së fshehtë është tendencë për t’u fshehur para opinionit.
“Unë mendoj që ata janë koshient se detyrimi i tyre themelor është ofrimi i zgjidhjeve, por tendenca e subjektit politik dhe që pretendon me të drejtë formimin e institucioneve reflektimi demokratik nuk vjen nga etiketimet…..Ne e kemi problemin me individin dhe personin i tërë spektri politik e ka vlerësuar se nuk i plotëson kriteret e integritetit personal për ta bartur këtë përgjithësi. Kurti votat për qeveri i ka se kërkesa që të bëhet ndryshim në mes të seancës nuk tolerohet nuk e rregullon rregullorja. Mirëpo kemi filluar me votim të hapur, tani mekanizmi i votimit të fshehtë është për ta gjetur shpëtimin tek vota që e ka për qeverinë dhe për kryetarin e Kuvendit. Unë kam thënë se LVV do ta bëjë qeverinë me tre vota sepse ishin tre vota të Fatmir Limës që mund t`i ketë apo jo, nëse si ka i ka nga Lista Serbe, por qeverinë do ta bëjë. Mjafton ta ketë mekanizimin e votimit të fshehtë që mos të vërehet, e kanë tendencën për t`u fshehur para opinionit”, ka deklaruar ai./teve1.info/
