Berisha në emisionin “Info Nata” në Tëvë1, tha se ministri i Pushtetit Lokal, Elbert Krasniqi ‘është argat i kryeministrit’, pasi sipas tij, secila punë bëhet duke u ndikuar nga kryeministri.
“Unë së fundmi e kam lidhur me disa çështje që kam thënë që është argat i kryeministrit, për fatin që se secila punë që bëhet, bëhet duke u ndikuar vetëm nga kryeministri dhe asnjëherë nuk ka projekte të cilat bashkëjetojnë më komunitetin. P.sh, nuk jam kundër sepse të gjithë rrezikohemi nga qentë endacak, është një prej projekteve madhore, por po mendojë që krahas qenve endacak ministri jonë do të duhej të kishte edhe komunitetin e tij, sepse ndodh që komuniteti egjiptian trajtohet ndoshta më keq se qentë endacak”, tha ai.
Berisha tregon disa nga padrejtësitë që iu bëhen komunitetit egjiptian.
“Akoma njerëzit jetojnë në terr, akoma nuk kanë qasje të ujit të ujësjellësit, nuk kanë qasje të rregullt me procesin e arsimit, diskriminohen nga punësimi”, ka thënë më tej Berisha. /teve1.info/
