Kreu i Partisë Demokratike Sali Berisha deklaroi gjatë protestës së opozitës këtë të shtunë se kryeministri Rama është një rrezik jo vetëm për Shqipërinë, por edhe për rajonin dhe më gjerë.
Kreu i PD-së kërkoi nga kryeministri që të japë dorëheqjen pasi gjatë qeverisjes së tij Shqipëria është kthyer në një narkoshtet, ku zbarkojnë sasi të mëdha kokaine nga Kolumbia.
“Revolucioni ynë do të fitojë! Sot Shqipëria shihet si një vend ku mafia dhe kartelet e drogës pastrojnë paratë e krimit.
Në dy vitet e fundit, importet nga Kolumbia janë rritur 60 herë për të shndërruar këtë tokë të bekuar, në një Kolumbi të dytë për Europën.
Edi Rama, ti je një rrezik madhor për sigurinë e Shqipërisë, rajonit dhe më gjerë.
Jep dorëheqjen dhe largohu me organizatën tënde kriminale.
Pse duhet të durojnë shqiptarët të durojnë këtë poshtërim, këtë nxirje të imazhit të kombit?
Imagjinoni sikur të ndodhë që një njeri si ky, të bëjë hapin në samitin e NATO-s, çfarë do të ndodhë me Shqipërinë dhe shqiptarët?
Shqipëria dhe shqiptarët do skuqen nga turpi. Edi Rama, ik, largohu, jep dorëheqjen”, tha Berisha.
Pas marashit te selia e PS-së protesta ka përfunduar ndërsa që është paralajmëruar një tjetër për të hënën./euronews.al
