Berisha theksoi se Kosova duhet të jetë gjithmonë në një faqe me SHBA-në dhe sipas tij, asnjë qeveri nuk ka të drejtë të marrë hapa kundërshtues me proceset amerikane.
“Asnjë qeveri që vjen në pushtet nuk ka të drejtë që të marrë hapa të fuqishëm apo hapa kundërshtues me proceset dhe zhvillimet amerikane. Ne duhet të jemi gjithmonë në një faqe me Shtete e Bashkuara të Amerikës pavarësisht nganjëherë edhe pse nuk duket aq mirë prapë finalja do të jetë gjithmonë e mirë për shqiptarët… Ne duhet të vazhdojmë t’i ndërtojmë dhe t’i mbajmë ato urat që kemi por në veçanti të ndërojmë ura të reja dhe të jemi të kujdeshëm me politikat ballkanike dhe ndërkombëtare dhe gjithmonë ta mbajmë anën e Washingtonit zyrtar”, theksoi Berisha në Tëvë1.
Me këtë rast Berisha e vlerësoi me notë pozitive Qeverinë Kurti për një vit qeverisje.
“Qeveria Kurti ka notë pozitive për një vit qeverisje… I jap notë të mirë kësaj qeverie, ka kryer punë të mëdha… Qeverinë Kurti e mbanë vetë personaliteti i zotit Kurti, intelektual, njeri i pa korruptuar që ka përvojë dhe eksperiencë në të kaluarën dhe ka treguar që është shqiptari i mirë i ndershëm dhe patriot. Kurtit i duhet që të vazhdoj me premtimet që i ka dhënë, deri më tani është në rregull unë nuk shoh ndonjë të keqe”, tha ai.
