Deputeti i Aleancës për Ardhmërinë e Kosovës, Bekë Berisha u shpreh i mllefosur pas takimit e të shtunës të liderëve të partive politike.
Berisha tha se do të vazhdohet me bllokadë, duke shtuar se “askush nuk e ka nijetin e mirë”.
Berisha tha se nuk ka kuptuar versionet e shpjegimit të asnjërës palë gjatë konferencës së djeshme.
Deputeti i AAK-së, Bekë Berisha theksoi se të gjithë po takohen fshehurazi, duke i quajtur “gënjeshtarë” por askush nuk po flet se si të dilet nga ky ngërç.
Berisha tha se AAK-ja ka dhënë versione në tëra format se si të dilet nga kjo situatë dhe se janë të vetmit që nuk kanë shikuar që të përfitojnë nga ajo.
“Unë nuk i kam kuptuar këto versionet e shpjegimit të asnjërës palë, duket se këtu do të vazhdojnë me bllokadë, nuk e ka nijetin e mirë askush këtu, ndoshta duhet me dalë e me i prishë do rregulla e me i qit në ndihmë populli këta njerëz… Duhet me marrë fjalën edhe me shikua me iu bë një tavolinë aty dhe me u thënë merruni vesh tash, ndër sy të popullit, po dalin po gënjen, po dalin po takohen fshehurazi, nuk flet askush për me dalë nga ngërçi. Dhe më së shumti këta që kanë përgjegjësi hala qet kushte. AAK-ja, ka dhënë versione tëra format si me dal kam dhënë, jemi të vetmit që nuk kemi shikua me përfitua asnjëherë vetëm me dalë nga kjo situatë…s’kemi bre ne as presidente, as asgjë”, tha Berisha.
