Deputeti i AAK-së, Bekë Berisha, ka deklaruar se nëse partia e tij do të kishte rol më të madh në proceset politike, çështjet aktuale në vend do të zgjidheshin shumë shpejt.
Në një konferencë për media, ai tha se një bashkim i opozitës do të sillte zgjidhje për të gjitha problemet politike në vend.
“Po të bashkohej opozita, atëherë do të zgjidheshin krejt problemet. Nëse e ndërpresim këtë përçarje, atëherë Kosova do të ecë përpara dhe do të arrijmë të gjitha aspiratat”, u shpreh Berisha.
Ai gjithashtu kritikoi kryeministrin Albin Kurti, duke thënë se po kontribuon në përçarje politike në vend, sipas tij.
“AAK-ja po të kishte rol më tepër do ta zgjidhte çështjen për 15 minuta”, shtoi Berisha.
