Me uniforma ushtarake u shfaqën në mesin e studentëve.
E ardhja e tyre nga të pranishmit u prit me entuziazëm.
Në Parkun e Pionerit në Beograd, ‘’Beretat e Kuqe’’ dolën për të mbështetur personat që po kundërshtojnë bllokadën e fakultetit.
Sipas raportimeve të mediumeve të pushtetit, ata janë “studentë që duan të mësojnë”, dhe që “duan të kthehen në klasat e tyre sa më shpejtë që të jetë e mundshme”.
Ky kamp po konsiderohet si ‘’mburojë’’ për presidentin serb Vuçiq, para protestës së paralajmëruar më 15 mars nga studentët.
E në krye të kolonës së veteranëve po prin Goran Radosavlevic – Guri.
Ky i fundit njihet si komandant i fundit i JSO-së.
Ndërsa emri i tij lidhet me masakrën e Reçakut, sulmin ndaj familjes Jashari, rastin e vrasjes së vëllezërve Bytyqi e pjesëtarëve të UÇK-së gjatë luftës në Kosovë.
E përkrah Gurit është edhe Zhivojin Ivanoviq, i njohur ndryshe si Zhika Crnogorac, për të cilin disa pretendojnë se ka qenë komandanti i parë i “Beretave të Kuqe” pas kapitenit Dragan.
Ivanoviq në kamp shihet me një bastun, të cilin e përdorë për të sulmuar një kalimtar.
Ndërkaq, në mbrëmjen e së martës, qindra studentë protestues vazhduan të bllokojnë ndërtesën e stacionit të televizionit publik të Serbisë në Beograd.
Ndryshe, Serbia po përballet vazhdimisht me protesta masive studentore që po kërkojnë drejtësi për 15 viktimat e shembjes së strehës hekurudhore të 1 nëntorit në Novi Sad.
