Në një lidhje direkte në “Info Nata” në Tëvë 1, Beqiri bëri të ditur se në Preshevë e Bujanoc numri i regjistruesve shqiptarë është i mjaftueshëm, teksa në Medvegjë ka disa ngecje.
“Sa i përket Preshevës dhe Bujanocit, që janë dy komunat ku numri i regjistruesve shqiptarë është në numër të konsiderueshëm, dhe është duke u përfshirë i tërë territori. Mund të themi se ka disa ngecje sa i përket Komunës së Medvegjës, ku janë të përfshirë gjithsej tre regjistrues, dhe po paraqiten probleme sa i përket regjistrimit të popullatës, pasi që ata tre regjistrues janë caktuar për vendbanimet ku banojnë serbët, dhe jo për vendbanimet ku janë të banueshme me shqiptarë”, tha ai.
Beqiri shtoi se deri tani në Bujanoc janë regjistruar 41 mijë e 500 banorë, teksa në Preshevë numri ka shkuar në 44 mijë. /Teve1.info/
