Kështu ka deklaruar Fejzi Beqiri, kryetar i Komisionit Komunal Zgjedhor në Bujanoc.
Ai në “Info Nata” në Tëvë 1 ka treguar se pasivizimi i adresave të shqiptarëve ka ardhur si pasojë e mospjesëmarrjes në regjistrimin e popullsisë.
“Sa i përket pasivizimit është çështje e posaçme dhe ka filluar të jetë problem akut posaçërisht si problem i ka atakuar shqiptarët e Medvegjës ka ndodhur për shkak siç dihet në regjistrimin e fundit që ka ndodhur në vitin 1991 shqiptarët nuk kanë qenë pjesëmarrës dhe në vitin 2022 kanë qenë pjesëmarrës dhe numri i shqiptarëve në Preshevë ka qenë i konsiderueshëm 45 mijë banorë ka pasur Bujanoci, 31 mijë Presheva dhe 10 mijë Medvegja, mirëpo në procesin e regjistrimit të popullsisë të vitit 2011 shqiptarët për shkaqe të ndryshme nuk morën pjesë”, tha ai.
Tutje, Beqiri ka treguar edhe arsyet pse shqiptarët kanë bojkotuar regjistrimin e popullsisë në Serbi gjatë vitit 2011.
“Arseyja pse shqiptarët nuk kanë marrë pjesë në regjistrimin e popullsisë në 2011-ën kanë qenë formularët që kanë qenë në gjuhën cirilike dhe numri i shqiptarëve jashtë vendbanimit që janë jo rezidentë nuk janë futur në regjistra. Këto kanë qenë shkaqet që shqiptarët i kanë bojkotuar dhe më pas nga ana e Parlamentit të Serbisë është aprovuar një ligj i posaçëm ku thuhet që nga ana e personelit policor do të bëhet verifikimi i adresave të vendbanimeve të caktuara të atyre qytetarëve që për një periudhë të caktuar nuk gjinden në vendqëndrimin që e kanë të lajmëruar në institucionet përkatëse shtetërore”, shtoi ai.
Po ashtu, kryetari i Komisionit Komunal Zgjedhor në Bujanoc ka bërë të ditur edhe për pasojat ndaj shqiptarëve atje nëse u pasivizohen adresat në regjistrat civil – duke përmendur mungesën e të drejtës për të zgjedhur përfaqësuesit.
“Pronat mbesin si të tilla, mirëpo atyre ju mirret e drejta në vendqëndrim dhe më pas edhe e drejta për aplikim për letërnjofgtim dhe të drejtat tjera civile që i garantohen me ligj dhe me këtë rast kjo lidhet me të drejtën e zgjedhjes sepse një qytetar nëse nuk ka letërnjoftim ai me automatizëm e humb të drejtën e zgjedhjes”, theksoi Beqiri./teve1.info/.
