Arta Tahiri – Beqa, politologe ka thënë se rezultatin zgjedhjeve të 28 dhjetorit e sheh si votë populliste të masës.
Ajo ka thënë se në Kosovë nuk votohet në bazë të programit por emocionit.
“Sot në Kosovë konstatoj me plot bindje se nuk votohet në bazë të programit, por emocionit. Sepse po të ishte në bazë të programeve, premtimeve që kanë dhënë subjektet politike , llogaridhënia, kritika, fatkeqësisht në qoftë se në Kosovë mund të lavdërosh një punë të qeverisë dhe të kritikosh për të përmirësuar gjendjen ose situatën e një ministrie, etiketohesh se je kundër pushtetit dhe derisa sa ka një mendësi të tillë unë e quaj votë populliste, të masës të instiktit pa vizion. Ky është konstatimi pas përfundimit të zgjedhjeve”, ka thënë ajo në emisionin “Këndi i Debatit” në Tëvë1.
Beqa ka thënë se në Kosovë po ndodhë një fenomen i jashtëzakonshëm i demokracisë.
“Në Kosovë po ndodhë një fenomen i jashtëzakonshëm i një demokracie, ku politika i përshtatet masës dhe jo masa të përshtatet në institucionet legjitime të politikës”, ka thënë ajo.
Sa i përket votave të diasporës ajo ka thënë se ato janë destinuar për LVV-në.
