Ish-trajneri i Liverpoolit, Rafa Benitez, do të jetë udhëheqës i skuadrës greke, Panathinaikos.
Ai do të jetë trajneri më i shtrenjtë në Greqi.
Skuadra nga Anthina është e 14-ta në Superligën greke.
Spanjolli Benitez do të jetë pjesë e klubit grek deri në vitin 2027.
Marrëveshja, sipas mediumeve lokale, është e vlefshme 4 milionë euro në sezon. Në marrëveshje përfshihet edhe vazhdimi i kontratës edhe për një edicion tjetër.
65-vjeçari Benitez në të kaluarën ka drejtuar edhe klubin më të suksesshëm evropian, Real Madridin, Interin dhe Newcastlen. U shkarkua nga Celta Vigo në mars të vitit të kaluar, pasi klubi i fitoi vetëm pesë ndeshje në ligë.
Benitezi u shkarkua edhe nga Evertoni në vitin 2022, pas 200 ditëve.
Nën drejtimin e Benitezit, Liverpooli e fitoi Ligën e Kampionëve në vitin 2005 pas “Mrekullisë së Stambollit” ndaj Milanit. U mposht më pas në finale të Championsit nga Milani në vitin 2007, ndërsa e fitoi edhe Kupën FA në vitin 2006.
