Bekim Haxhiu nga PDK ka njoftuar se sot ka dorëzuar dy ankesa zyrtare në Panelin Zgjedhor për Ankesa dhe Parashtresa (PZAP) lidhur me rezultatet përfundimtare të shpallura nga KQZ më 31 janar 2026.
Ai ka bërë të ditur se ankesat lidhen me përfshirjen e 23,323 pakove të fletëvotimeve me postë nga votimi jashtë Kosovës, të cilat janë pranuar pas afatit ligjor, dhe llogaritjen e gabuar të rezultatit përfundimtar që ka ndikuar në ndarjen e mandateve dhe renditjen e kandidatëve në zgjedhjet e jashtëzakonshme të 28 dhjetorit 2025.
Haxhiu ka theksuar se kërkon vetëm zbatim të barabartë të ligjit dhe Kushtetutës dhe se mbrojtja e votës së ligjshme është mbrojtje e demokracisë, duke nënvizuar se afatet zgjedhore dhe barazia e votës nuk janë rekomandime, por të detyrueshme.
