Deputeti i PDK-së, Artan Behrami ka deklaruar se partia fituese është barrikadua, ku sipas tij nuk diskuton dhe nuk bënë përpjekje për dialog për të dalë nga ngërçi politik.
Behrami thotë se nuk ka parë një përpjekje serioze që Kurti të bëjë dialog me Limajn, ngase sipas tij ai është treguar i gatshëm që të ofrojë zgjidhje.
“E kemi një parti politike e cila është barrikadua, e cila nuk diskuton, nuk bënë përpjekje për dialog dhe nuk bënë përpjekje për kompromis për të dalë nga kjo situatë. Pra atë që e shohim në Republikën e Kosovës është që ne nuk kem pa asnjë përpjekje serioze që Kurti të dialogojë me Fatmir Limajn i cili është treguar i gatshëm të ofrojë zgjidhje, nuk kemi parë përpjekje as me AAK i cili ka ofruar dy tri emra konkret për të dalë nga ky ngërç, gjithashtu nuk kemi pa të dialogojë as me PDK i cili përmes kryetarit të saj Memli Krasniqit ka thënë që PDK është e gatshme që të dalë nga kriza, ka ofruar zgjidhje por ne nuk mund të votojmë dikë që ka shërbye më parë në qeverinë e kaluara”, ka thënë ai në emisionin “Ditari” në tëvë1.
Ndërkohë, deputeti ka thënë se ankesat e qytetarëve të Kosovës duhen të drejtohen tek LVV-ja e cila e ka bllokuar funksionimin e Kuvendit.
Ndryshe, Behrami ka kërkuar që të tërhiqet Haxhiu nga kandidatura për kryetare të Kuvendit, pasi nuk po merr votat e mjaftueshme.
“Qytetarët e Kosovës duhet ta dinë që këto ankesa që i kanë për ngritjen e energjisë elektrike, ankesat që i kanë për produktet, izolimin dhe pasigurinë, si dhe me marrëdhëniet e prishura me ShBA-të, me sanksionet e BE-së, të gjitha këtyre kërkesat që i kanë duhet të iu drejtohen partisë e cila e ka blloku funksionimin e Kuvendit të Kosovës dhe rrjedhimisht e ka penguar edhe konstituimin e Kuvendit sepse zgjidhja është e lehtë. Largo Albulena Haxhiun, kur nuk i merr votat nga 22 herë të tjera, unë kisha dalë publikisht kundër atij, edhe po të ishte kryetari i PDK-së”, tha ai ndër të tjera./teve1.info/
