Kandidati i PDK-së për deputet, Artan Behrami ka thënë se veprimet e Qeverisë Kurti në veri të Kosovës janë populiste.
Ai ka thënë se Kurti ka kryer “punë mbas shpinë” ndaj amerikaneve në moskoordinim me ta dhe kjo sipas tij, kjo i ka kushtuar dhe do t’i kushtojë Kosovës me pasoja.
Tutje, ai tha se SHBA-të kanë investuar shumë në Kosovë dhe nuk dëshirojnë ta humbin ‘mundin’ e tyre me një kryeministër siç e quan Behrami “pengmarrës” i vendit.
“Shumica e veprimeve që ka bërë z.Kurti në veri janë populiste. Një pjesë e madhe e tyre janë të pakoordinuara me SHBA-të, që janë garantuesi kryesor i sovranitetit të R. së Kosovës. Unë mendoj që ky moskoordinim ose ‘puna mas shpine’ që Kurti ka bërë ndaj amerikaneve ka pasur pasoja dhe do të këtë pasoja afatgjate për Kosovën. Kjo sepse SHBA-të në këto katër vite janë portretizuar si demon, që nuk po dëshirojnë integrimin e veriut. Kështu është paraqitur SHBA-të dhe në fakt është e kundërta, kanë investuar pothuajse 30 miliardë euro në lirin, çlirimin, pavarësinë dhe shtetndërtimin e Kosovës. Prandaj investimin e tyre nuk dëshirojnë më humb me një kryeministër që e ka marrë peng Kosovën dhe sot me fol me të është si me fol me një pengmarrës”, ka deklaruar ai në emisionin “Ditari” në Tëvë1.
