Ish-futbollisti shqiptar, Valon Behrami, që u pensionua nga futbolli aktiv në verën e vitit të kaluar, ka pasur karrierë të madhe si lojtar.
Behrami, i cili ka luajtur për Luganon, Genoan, Veronën, Lazion, West Ham Unitedin, Fiorentinan, Napolin, Hamburgun, Ëatfordin, Udinesen, Sionin e Brescian së fundmi, ka treguar se cili mesfushor po i mungon skuadrës së Juventusit.
Behrami ka luajtur në nivele të larta edhe me Zvicrën, ku pati 83 paraqitje dhe shënoi dy gola.
“Rodrigo de Paul do ta ndryshonte skuadrën. Juventusit po i mungon një lojtar si ai. Me të vërtetë më pëlqen ai. Ai do ta ndryshonte gjithë ekipin pasi bën lidhje të mirë të reparteve, por është shumë i mirë në fazën defensive. Juventusi me të vërtetë ka nevojë për një profil si ai. Nuk do ta bënte Juventusin kandidat për titull kampioni, por do ta ndryshonte fytyrën e skuadrës”, ka thënë Behrami të premten në një intervistë dhënë për “Tuttosport”.
De Paul është futbollist i Atletico Madridit dhe është fitues i Kupës së Botës me Argjentinën.