Të shtunën në Beograd është paralajmëruar protestë masive kundër presidentit të këtij vendi, Aleksander Vuçiq.
Protesta që vlerësohet si më e madhja ndaj pushtetit në Serbi, sipas gazetares në Beograd, Ardita Behluli, do ta bëjë të shtunën me gjendje të jashtëzakonshme edhe pse e tillë nuk është shpallë.
Behluli në emisionin “InfoNata” ka thënë se frika e organizatorëve është se pushteti do të përfshijë huliganë për të përshkallëzuar situatën.
“Nesër do të jetë një gjendje e jashtëzakonshme edhe pse jo e shpallur. Opinioni opozitar thotë se qeveria mund të dërgojë huliganë në protestë. Ajo çfarë është shqetësuese për qytetarët në Beograd dhe organizatorët e protestës është se qeveria paralajmëron dhunë gjatë ditës së nesërme”, ka thënë ajo.
Behluli ka thënë se deklaratat për dhunë vijnë nga presidenti Vuçiq dhe ministri i Brendshëm Daçiq.
Ajo ka thënë se organizatorët e protestës kanë kërkuar nga protestuesit t’i përmbahen programit dhe të mos bien preh e provokimeve.
