Presidentja e Kosovës, Vjosa Osmani, ka pranuar një mesazh urimi nga Presidenti i Shqipërisë, Bajram Begaj, me rastin e 18-vjetorit të Pavarësisë së Kosovës.
Begaj ka përcjellë urimet e tij presidentes Osmani dhe qytetarëve të Kosovës, me rastin e 18 vjetorit të Ditës së Pavarësisë.
Në mesazhin e tij, ai ka thënë se Kosova është një realitet i pakundërshtueshëm dhe një partner i besueshëm, duke e cilësuar Kosovën si shembull inkurajues se si shqiptarët janë kontribuues aktivë për konsolidimin e paqes dhe begatisë së rajonit tonë e më gjerë.
Begaj ka shprehur mbështetjen në çdo hap të Kosovës dhe ka uruar begatinë dhe zhvillimin e mëtejshëm të vendit.
