Presidenti i Shqipërisë, Bajram Begaj, e ka cilësuar si një moment të rëndësishëm në rrugëtimin e vendit drejt anëtarësimit në Bashkimin Evropian hapjen e sotme të grupkapitullit të fundit në procesin e negociatave.
Në një postim në Facebook, Begaj thekson se ky hap konfirmon progresin e qëndrueshëm të Shqipërisë dhe shënon fillimin e një faze të re reformash më të thelluara në fushat e bujqësisë, sigurisë ushqimore, zhvillimit rajonal dhe menaxhimit të burimeve.
Ndryshe, Shqipëria ka hapur sot grupkapitullin e fundit të negociatave të anëtarësimit me Bashkimin Europian, atë të “Bujqësisë dhe Kohezionit”, duke përmbyllur fazën e parë të procesit negociues.
