Në ditën e çlirimit të Shqipërisë, Presidenti i Shqipërisë, Bajram Begaj ka bërë homazhe te heronjt e Luftës së Dytë Botërore, duke theksuar rëndësinë e sakrificës së popullit shqiptar dhe të dëshmorëve që dhanë jetën për lirinë dhe çlirimin e atdheut.
Në mesazhin e tij, ai u shpreh se “guximi, qëndresa dhe gjaku i dëshmorëve janë themelet mbi të cilat qëndron liria jonë.”
Begaj theksoi se mirënjohja për këta heronj nuk është thjesht një kujtesë historike, por një detyrim i përditshëm për të mbrojtur dhe promovuar lirinë, dinjitetin njerëzor dhe paqen.
Ai nënvizoi se “besnikëria ndaj vlerave të lirisë është detyrim për çdo shqiptar, çdo ditë”./teve1.info/
