Presidenti i Shqipërisë, Bajram Begaj ka reaguar pas vendimit të Gjykatës Speciale në Hagë ndaj ish-krerëve të UÇK-së.
Begaj ka shprehur “trishtim të thellë” për vendimin e sotëm, ndërsa ka vlerësuar vendosmërinë për apelimin e tij.
“Trishtim i thellë për vendimin e sotëm. Vendosmëria për të apeluar vendimin është shenjë e fortë integriteti dhe qëndrueshmërie”, ka shkruar Begaj.
Ai ka theksuar gjithashtu se sipas tij, vendimi nuk mund ta njollosë UÇK-në.
“Për shqiptarët, askush dhe asgjë nuk njollos UÇK-në! Liria ka emër!”, ka deklaruar Presidenti i Shqipërisë./teve1.info/
