Presidenti i Shqipërisë, Bajram Begaj po merr pjesë në “Aqaba Process Ballkan III”.
Atje, ai u takua me Mbretin e Jordanisë, Abdullah II, si dhe homologun e tij bullgar, Rumen Radev.
Begaj tha se Shqipëria, duke besuar në fuqinë e dialogut dhe bashkëpunimit, është e përkushtuar për paqen dhe sigurinë afatgjatë.
“Sot, në Sofje, në “Aqaba Process Ballkan III”, për sigurinë në rajon, një angazhim i ndërtuar mbi vlerat e bashkëpunimit, respektit dhe vizionit strategjik. Shqipëria, duke besuar në fuqinë e dialogut dhe bashkëpunimit, është e përkushtuar për paqen dhe sigurinë afatgjatë. Si pjesëmarrëse aktive në Aleancën Globale dhe në platforma kundër terrorizmit, Shqipëria është shndërruar në një model ekspertize rajonale dhe një histori suksesi, me strategjinë e saj gjithëpërfshirëse kundër terrorizmit dhe ekstremizmit të dhunshëm. Faleminderit Presidentit Radev dhe Madhërisë së Tij, Mbretit Abdullah, si bashkëorganizatorë të këtij forumi!”, ka shkruar Begaj në Facebook./teve1.info/
