Presidenti i Shqipërisë, Bajram Begaj ka njoftuar se është takuar me luftëtarët e parë për çlirimin e Kosovës, që u stërvitën në vitin 1991 në Repartin Ushtarak të Surrelit nga pedagogët e ish-Shkollës së Bashkuar të Oficerëve.
Përmes një postimi në Facebook, ai tha se kjo ngjarje duhet të marrë vlerën e peshës historike, pasi siç u shpreh, aty u ndez flaka e madhe për çlirimin e Kosovës.
”Me luftëtarët e parë për çlirimin e Kosovës, që u stërvitën në vitin 1991 në Repartin Ushtarak të Surrelit nga pedagogët e ish-Shkollës së Bashkuar të Oficerëve. Kjo ngjarje duhet të marrë vlerën e peshës historike, pasi aty u ndez flaka e madhe për çlirimin e Kosovës, bërthamë e parë e UÇK-së. Nder përjetë të gjithë atyre që sakrifikojnë për shqiptarinë”, ka shkruar Begaj.
