Përmes një postimi në Facebook, ai ka thënë se Lipa është një pasuri e rrallë për botën e muzikës dhe kudo ku flitet shqip.
Ai thotë se në nder të 110-vjetorit të Pavarësisë së Shqipërisë nderojnë jo vetëm personalitetet që kontribuan në të kaluarën por edhe ata që i japin vlerë identitetit shqiptar.
“Në vigjilje të 110-vjetorit të shpalljes së pavarësisë së Shqipërisë, nderojmë jo vetëm ato personalitete që në të shkuarën kontribuan dhe ndihmuan në krijimin e shtetit të ri shqiptar, por edhe të gjithë ata që me kontributin e tyre në çdo fushë të jetës i japin vlerë identitetin shqiptar dhe na bëjnë krenarë në çdo moment! Një artiste si Dua Lipa është një pasuri e rrallë për botën e muzikës dhe në të njëjtën kohë një krenari e jashtëzakonshme për Shqipërinë, Kosovën dhe kudo ku flitet shqip”, shkroi ndër tjerash Begaj./teve1.info/
