Kandidati i PDK-së për kryeministër, Bedri Hamza, ka premtuar se nën qeverisjen e tij, tatimet do të ulën dhe bizneseve do t’iu sigurohen kushte më të mira të punës.
Hamza u ka kërkuar qytetarëve që të votojnë për Kosovën që mundet ma mirë, sepse tha se ka ekipin dhe programin më të mirë.
“Më 9 shkurt, votoni për Kosovën që mundet ma mirë, sepse e kemi ekipin dhe programin më të mirë. Pensionet bazike do të rriten për 70%, pagat për 50% dhe do të ofrojmë grante deri në 30% të vlerës së investimit për bizneset”.
“Tatimet do t’i ulim dhe do të sigurojmë që bizneset të ofrojnë kushte më të mira të punës edhe për punëtorët”, ka shkruar Hamza.
