Bebe Rexha ka arritur një tjetër moment historik në karrierën e saj si kantautore, duke u bërë një nga artistet me dy këngë të certifikuara si “Diamond” në Shtetet e Bashkuara.
Lajmi u shpërnda nga një faqe e fansave të saj në platformën X, duke theksuar që këngët “Meant To Be” dhe “The Monster” kanë kaluar shifrën prej 10 milionë shitjeve secila, duke i dhënë asaj një tjetër njohje prestigjioze si tekstshkruese.
Kjo arritje e jashtëzakonshme u shpërnda edhe nga vetë Bebe Rexha në InstaStory, ku ajo postoi njoftimin: “Nuk do ta besoja kurrë që do të shkruaja dy këngë të certifikuara Diamond”.
.@BebeRexha is now a Songwriter who has penned 2 DIAMOND records in the US (eligible):
Meant To Be — 13M
The Monster — 10M— When “The Monster” is certified, Bebe Rexha will receive a second ‘Diamond Award’ for being credited as a composer and songwriter. pic.twitter.com/IPmI5HR17U
— BRGT (@BebeRexha_GT) February 21, 2025
Këngëtarja e hitit “I’m Good (Blue)” nisi karrierën e saj si tekstshkruese, duke bërë emër me këngën “The Monster”, e interpretuar nga Eminem dhe Rihanna, e cila së shpejti pritet të marrë certifikimin “Diamond” nga RIAA.
Më pas, ajo vazhdoi me një karrierë solo të suksesshme, duke sjellë hite të panumërta dhe duke fituar një vend të rëndësishëm në industrinë muzikore globale.
Rexha, ka reaguar së fundmi ashpër në rrjetet sociale pasi fotografi të saj në një gjendje të rënduar shëndetësore janë publikuar dhe shpërndarë gjerësisht nga mediat, me Daily Mail që duket se ka qenë një nga të parat që e ka postuar.
Në postimet e saj në Instagram, Bebe shpreh zemërimin për mënyrën se si paparacët e kanë ndjekur dhe e kanë fotografuar jashtë një spitali, ndërkohë që ajo vuante nga një grip i rëndë në stomak dhe ishte e shtruar për tre ditë./TAR
