Edhe sot gjatë ditës, Bashkimi Evropian ka përsëritur se çështja e hapjes së Urës së Ibrit duhet të zgjidhet përmes dialogut në Bruksel, ndërsa i ka bërë thirrje kryeministri Albin Kurti, të mos vazhdojë me veprime të njëanshme që mund të rrisin tensionet. Në anën tjetër, nga partia në pushtet thonë se kundërshtimet e ndërkombëtarëve për hapjen e Urës së Ibrit s’kanë bazë.
BE përsërit qëndrimin se ura e Ibrit duhet të zgjidhet me dialog, nga qeveria insistojnë në hapje
Qeveria e Kosovës po insiston në hapjen e urës kryesore mbi lumin Ibër, që lidh Mitrovicën e Jugut, të banuar me shqiptarë dhe Mitrovicën e Veriut të banuar me serbë.
Por thirrja për mosmarrjen e vendimeve, siç po cilësohen nga BE-ja të njëanshme, vazhdoi edhe të shtunën.
Zëdhënësi i BE-së, Peter Stano, në një intervistë për medien serbe, N1, tha se kjo çështje duhet të zgjidhet në dialog.
“BE-ja, së bashku me partnerët e tjerë kyç, i ka kërkuar kryeministrit të Kosovës Kurti që të mos vazhdojë me veprime të njëanshme, duke theksuar se çështjet duhet të zgjidhen me dialog. Urat zakonisht i bashkojnë njerëzit. Fatkeqësisht, situata që kemi në veri të Kosovës dhe në Mitrovicë është rezultat i një numri të madh rrethanash të vështira politike. Prandaj kemi thënë gjithmonë se është një çështje shpërthyese, një çështje problematike dhe si të gjitha çështjet problematike duhet të zgjidhet me dialog. Sepse nëse keni një problem, atëherë e zgjidhni me dialog, jo me vendime të njëanshme”, ka thënë Stano
Por këto deklarata të BE-së, shefja e grupit parlamentar të Lëvizjes Vetëvendosje, Mimoza Kusari- Lila, beson se nuk kanë bazë.
“Kundërshtimet nuk po duken që kanë bazë tashmë pas krejt ngjarjeve që kanë ndodhur në komunat në veri që mund të parandalojnë hapjen e urës. Hapja e urës në aspektin e lëvizjes së lirë paraqet një prej elementeve thelbësore për qytetarët e asaj ane. Gjithashtu edhe në aspektin e simbolikës së ndarjes që ka prezantuar ura është tejet pozitive që të hiqet edhe elementi i fundit i simbolikës së ndarjes së veriut. Është e pakuptimtë të shkohet deri në kufirin.
