Komisioni Evropian ka prezantuar strategji të reja për vizat, azilin dhe migracionin, duke theksuar se udhëtimi pa viza në BE shoqërohet me përgjegjësi të qarta.
Komisioneri për Migracionin, Magnus Brunner, deklaroi se vendet e treta duhet të përmbushin kritere konkrete, si norma të ulëta refuzimi vizash dhe kthime efektive të migrantëve pa të drejtë qëndrimi, raporton Anadolu.
Ai e krahasoi procesin me një “semafor”, ku drita jeshile jepet vetëm për vendet që përmbushin dhe vazhdojnë të respektojnë kriteret, ndërsa paralajmëroi dialog të vazhdueshëm dhe masa ndëshkuese në rast shkeljesh.
Brunner, nga ana e tij, tha se udhëtimi pa viza në BE vjen me përgjegjësi dhe njoftoi se ata do t’i bëjnë “këto përgjegjësi shumë të qarta”.
Nëse këto kushte nuk respektohen, regjimi pa viza mund të pezullohet pa hezitim.
“Për vendet, qytetarët e të cilave kanë nevojë për viza për të hyrë në BE, ne do të forcojmë ndikimin tonë duke i lidhur kushtet e vizave më ngushtë me interesat tona”, shtoi ai.
Brunner shtoi se BE do të forcojë lidhjen mes politikës së vizave dhe bashkëpunimit në fusha si ripranimi, siguria, mbrojtja e kufijve dhe lufta kundër migracionit të paligjshëm./teve1
