Këtë njoftim Johansson e bëri përmes një postimi në Twitter të enjten, duke e quajtur atë “një vendim historic”.
Ndërsa Ministri i Brendshëm francez Gerald Darmanin ka dhënë detaje më shumë se si do të ofrohet mbrojtja në një deklaratë për shtyp.
“Kjo pajisje do t’i lejojë vendet anëtare të BE-së t’u ofrojnë personave që ikin nga konflikti në Ukrainë një përgjigje e cila përshtatet me situatën e tyre. Personat e kualifikuar mund të përfitojnë nga një status mbrojtës i ngjashëm me atë të refugjatit, në çdo vend të BE-së për një periudhë njëvjeçare që mund të jetë çështje e shqyrtimit të mëtejshëm”, shkruhet në deklaratë.
Sipas një njoftimi për media, ministrat e BE-së u takuan të enjten për të aktivizuar Direktivën 2001/55/CE, e cila ka ofruar “mbrojtje të përkohshme në rastin e një fluksi masiv të personave të zhvendosur”.
Presidenca franceze e Këshillit të Bashkimit Evropian dhe Komisioni Evropian e përshëndetën këtë vendim duke thënë se “pasqyron angazhimin e plotë të BE-së për të treguar solidaritet ndaj Ukrainës dhe për ta kryer detyrën e saj ndaj viktimave të kësaj lufte të pajustifikueshme”.
Darmanian theksoi se “Bashkimi Evropian do të vazhdojë të bëjë gjithçka për ta ndihmuar Ukrainën dhe viktimat e luftës”.
Në një postim në Tëitter ai tha se “Do të sigurojë mbrojtje për miliona njerëz në lëvizje. Ne e inkurajojmë aplikimin e tij të shpejtë dhe të gjerë”.
Që nga fillimi i pushtimit rus në Ukrainë më 24 shkurt, sipas përditësimit të fundit nga Agjencia e OKB-së për refugjatët, më shumë se 1 milionë refugjatë ukrainas kanë ardhur në vendet e BE-së, shkruan CNN, transmeton /teve1.info
