Bashkimi Evropian thotë se do të vendosë kundër-tarifa ndaj mallrave ameriake si përgjigje ndaj tarfiave të vendosura nga SHBA-së për të gjitha importet e çelikut dhe aluminit të cilat kanë hyrë në fuqi sot.
Vlera e tarifave të BE-së është mbi 26 miliardë euro (21.9 miliardë £, 28.3 miliardë dollarë) mallra amerikane.
Komisioni Evropian tha se do t’i japë fund pezullimit aktual të tarifave për produktet amerikane më 1 prill dhe gjithashtu do të paraqesë një paketë të re kundërmasash për mallrat amerikane deri në mes të prillit.
“Ne jemi gati të përfshihemi në dialog kuptimplotë. I kam besuar komisionerit të tregtisë Maros Sefcovic të rifillojë bisedimet e tij për të eksploruar zgjidhje më të mira me SHBA,” tha në një deklaratë Ursula von der Leyen, presidentja e Komisionit Evropian.
Von der Leyen thotë se komisioni “ndjen keqardhje të thellë për këtë masë”.
“Tarifat janë taksa. Ato janë të këqija për biznesin dhe akoma më keq për konsumatorët. Këto tarifa po prishin zinxhirët e furnizimit. Ato sjellin pasiguri për ekonominë.Bashkimi Evropian duhet të veprojë për të mbrojtur konsumatorët dhe biznesin. Kundërmasat që marrim sot janë të forta, por proporcionale”, tha ajo, raporton BBC.
