Qeveria e Kosovës ka shprehur gatishmërinë për organizmin e zgjedhjeve të reja në katër komunat veriore.
Por, mënyra e shkuarjes në zgjedhje ka qenë temë diskutimi se si do të bëhet.
Qeveria por edhe Presidenca kanë thënë se për këtë duhet respektuar ligji, e ku si mundësi për zgjedhje të reja në komuna është edhe ajo përmes peticionit qytetarë ose vendimit të asmbaleve komunale.
Baza ligjore për shkuarje në zgjedhje ka qenë diskutim edhe ndërmjet panelistëve në emisionin “Këndi i Debatit” në Tëvë 1.
Profesori, Arben Fetoshi ka thënë se dy propozimet e dhënë nga Qeveria e Presidenca nuk do të ndodhin.
Sipas tij, dorëheqja nga kryetarët do të vije mbi arsyetimin e situatës.
“Shkuarja në zgjedhje përmes peticionit apo edhe votimit në asambletë komunale nuk do të ndodhë. Do t’i shohim para medieve duke thënë se për shkak të situatës dhe interesit kombëtar na japim dorëheqje ”, ka thënë Fetoshi.
Ai ka thënë se dorëheqja mund tu kërkohet edhe nga Kurti.
Por, më këtë nuk janë pajtuar Arton Demhasaj dhe Dorajet Imeri.
Imeri tha se Kurti nuk mund t’u kërkojë dorëheqjen kryetarëve të komunave. Ai duke ju referuar deklaratës së Qeverisë e cila në marrëveshjen e fundit për depërshkallëzimin e situatës ka thënë se mbështetë zgjedhjet e reja në veri
“Ideja është me tregu qëndrim politik”, tha ai.
Ndërsa, Arton Demhasaj tha se as kryetari i partisë nuk mund të kërkojë nga kryetarët e komunave dorëheqjen.
“As kryetari i partisë nuk mundet me ja kërku. Kryeministri nuk e ka asnjë të drejtë ndaj kryetarëve të komunave”
