Bayern Munich po bisedon me Chelsean për transferimin e Christopher Nkunkut, ndërsa sulmuesi francez është i interesuar të largohet dhe “Blutë” po kërkojnë një marrëveshje të përhershme.
Bayern ka nisur zyrtarisht bisedimet me Chelsean për një marrëveshje të mundshme për Nkunkun.
Sipas Florian Plettenberg, klubet tani janë në kontakt të drejtpërdrejtë, dhe thuhet se lojtari është i interesuar për t’u bashkuar me kampionët gjermanë.
Një marrëveshje mes klubit bavarez dhe lojtarit ishte arritur që në janar.
Chelsea po i shtyn bisedimet drejt një transferimi të përhershëm, ndërsa Bayern po konsideron edhe opsionin e huazimit.
Nuk është arritur ende marrëveshje përfundimtare, por raportohet se drejtori sportiv i Bayernit, Max Eberl, ka shtuar angazhimin në negociata.
Nkunku u transferua te Chelsea nga RB Leipzig për 60 milionë euro në vitin 2023. Sezonin e fundit ai realizoi 14 gola dhe dha pesë asistime në 42 ndeshje zyrtare për klubin anglez.
Ndërsa, një detaj interesant është se Nkunku përfaqësohet nga agjenti me famë, Pini Zahavi, i cili nisi e finalizoi transferimin e Jonathan Tah te Bayern këtë verë./
