Bayern Munchen kundër Boca Juniors është kulmi i ndeshjeve të dyta të Kupës së Botës për Klube në SHBA. Një përballje titanësh të Evropës dhe të Amerikës së Jugut.
Një duel që karakterizohet nga një traditë e hershme dhe që i ka rrënjët 100 vjet më parë në Munih! Bayerni, i cili e nisi fuqishëm Kupën e Botës për Klube me një fitore shkatërruese 10-0 ndaj kampionëve të Oqeanisë, Oackland City mund të sigurojë kualifikimin për në 1/8 e finaleve me një fitore ndaj klubit tradicional argjentinas, në ndeshjen e tyre të dytë të turneut.
Në këtë kontekst, tifozët, ata pak më të vjetër të Bayernit, me siguri do ta kujtojnë ndeshjen e Kupës Ndërkontinentale midis dy klubeve në nëntor 2001 në Tokio (Japoni), të cilën fituesit e atëhershëm të Ligës së Kampionëve (Bayerni) e fituan dhe këtë trofe 1-0 falë një goli të Sami Koufour në kohën shtesë. Por nëse për duelin e 24 viteve më parë ka dëshmitarë okularë, nuk mund të thuhet e njëjta gjë për përballjen e parë midis dy klubeve.
Kjo ndodhi plot 100 vjet më parë në stadiumin “Oberwiesenfeld” të Munichut. Futbolli botëror në atë kohë (në Lojërat Olimpike Verore) dominohej nga ekipet kombëtare të Amerikës së Jugut, Uruguai dhe Argjentina. Duelet ndërkontinentale të klubeve nuk kishin ekzistuar kurrë më parë.
Turneu evropian i Bokës – Në vitin 1925, ekipi i Boca Juniorsit udhëtoi për në Evropë me anije për tri javë: me 17 lojtarë, pa trajner, por të paktën një tifoz që punonte edhe si masazhator. Pas një serie ndeshjesh në Spanjë, në të cilat ata mposhtën Realin e Madridit dhe Atleticon e Madridit, argjentinasit mbërritën në Munich. Atje, ata u pritën nga lojtarët e Bayernit të Munihut me një turne qyteti, siç vuri në dukje një gazetar që po udhëtonte me ta. Më 9 maj 1925, vizitorët dhe vendasit u takuan para 5,000 spektatorëve në “Teutonia-Platz” në “Oberwiesenfeld” të Mynihut, duke barazuar 1-1.
Gazetari foli me entuziazëm për rendin në tribuna, si dhe për stilin e lojës së ekipit të udhëhequr nga portieri Alfred Bernshtain dhe sulmuesi Jozef Pëtinger. Po atë ditë, 3 herë ai i dërgoi një telegraf shtëpisë: “Nëse gjermanët do të kishin më shumë qetësi në përfundim, do të ishin një nga ekipet më të mira në Evropë”. Në ndeshjen e tyre të 14-të (nga 19) të turneut evropian, Boka Xhuniors la vetëm dy pikë.
