Përzgjedhësi i Kosovës në futboll, Franco Foda, ka nisur me shpërndarjen e ftesave për ndeshjet e plejofit për kualifikim në Botëror.
Kosova më 26 mars luan me Sllovakinë, ndërsa më 31 mars me Turqinë apo Rumaninë.
Foda të premten e prezanton listën, por ftesat tashmë po shkojnë nëpër klube.
Një prej tyre arriti në adresën e klubit ukrainas, Metalist 1925 për sulmuesin Baton Zabërgja.
Klubi ukrainas të martën njoftoi se Zabërgja është ftuar për ndeshjet e plejofit.
24-vjeçari, që luan në krah, ka dy gola e një asistim në 13 paraqitje në elitën ukrainase.
