Komisioni i Garave i Federatës së Futbollit të Kosovës, ka hapur procedurë disiplinore ndaj trajnerit të Llapit, Tahir Batatina.
Procedura disiplinore ndaj Batatinës është hapur për kërcënim dhe kufizim të lëvizjes së gjyqtarëve pas ndeshjes Llapi – Dukagjini që përfundoi pa gola të premten e shkuar në Podujevë.
Në arsyetimin e Komisionit të Garave, thuhet se Batatina i pakënaqur me ndarjen e drejtësisë ka penguar daljen e gjyqtarëve nga fusha.
Ndërkohë, në procedurë disiplinore ka përfunduar edhe skuadra e Llapit për lëshim në organizimin e ndeshjes, si dhe dy zyrtarët Muhamet Rexhepi e Besart Hoti për dëmtim të pajisjeve të sistemit VAR.
Në procedurë disiplinore për lëshime në organizimin e ndeshjes Drita – Feronikeli ’74, ka përfunduar edhe klubi nga Gjilani, si dhe zyrtari i saj, Feri Murseli.
