Trajneri i Llapit, Tahir Batatina thotë se nuk kanë merituar humbjen ndaj Ballkanit. Ndërsa shtoi se ekipi therandas me këtë ndeshje vështirë e kanë për t’u bërë kampion.
Llapi në Suharekë pësoi humbje me rezultat 1:0 nga Ballkani.
“E kemi ditur se do të jetë vështirë, pasi ka qenë një derbi. Ballkani në këtë duel nuk krijoj asgjë, fituan me golin e dhuruar. Do ta kenë të vështirë të bëhen kampion pa asnjë goditje në portë. Ne kësaj radhe ia mundësuam fitoren.
Në pyetje janë edhe 40 pikë dhe ende është larg për t’u menduar. Ne e kemi dominuar në tërë ndeshjen. Ka ende ndeshje për të luftuar për kreun e tabelës.
Nuk e merituam humbjen sot, Ballkani vetëm futboll nuk ka bërë, ata fituan nga një pakujdesi e jona në mbrojtje. Tani duhet të mendojmë për ndeshjet e radhës. Kemi sulmin me të mirë në Superligë dhe i përshëndes ‘Legjendat”, tha Batatina.
Llapi me këtë humbje renditet në pozitën e katërt me 39 pikë, ndërsa Ballkani ka forcuar pozitën e parë me 48 pikë.
/Tëvë1/
