Policia e Kosovës ka zhvilluar një aksion në Podujevë, ku pas hetimeve dhe me urdhër të prokurorit janë bastisur shtëpitë e dy personave të dyshuar.
Sipas njoftimit policor, gjatë kontrollit janë gjetur dhe konfiskuar tre armë zjarri (pistoleta), tre armë të gjata, 67 fishekë, si dhe pjesë të ndryshme të armëve.
Lidhur me rastin, Policia ka bërë të ditur se dy të dyshuarit, shtetas kosovarë, ndodhen në kërkim policor, ndërsa hetimet për rastin janë duke vazhduar.
“Podujevë / 11.03.2026 – 02:15. Raportohet se pas hetimeve të zhvilluara, me urdhër të prokurorit janë bastisur shtëpitë e dy të dyshuarve meshkuj kosovarë me ç’rast janë gjetur dhe konfiskuar 3 armë zjarri pistoleta, 3 armë të gjata, 67 fishekë dhe pjesë të ndryshme të armëve. Lidhur me rastin të dyshuarit ndodhen në kërkim policor”, thuhet në raport./teve1.info/
