Njësitë relevante të policisë kanë realizuar bastisje në tri lokacione në Podujevë, ku kanë arrestuar dy persona të dyshuar, nën dyshimin për mashtrim përmes rrjeteve sociale.
Sipas policisë, të dyshuarit me qëllim përfitimi material shpërndanin në internet video dhe fotografi ku shfaqnin kartela të bardha, duke pretenduar se ato ishin të mbushura me shuma të ndryshme parash dhe të gatshme për blerje nga qytetarët.
Gjatë bastisjes janë sekuestruar si prova materiale dy laptopë, tre telefona celularë, kartëmonedha imituese prej 5, 10 dhe 20 euro, me të cilat simulohej kryerja e veprës online, një kartelë e bardhë, tri pistoleta me gaz me gjithsej 17 fishekë.
Për armët është iniciuar rast i veçantë në Stacionin Policor në Podujevë.
Pas intervistimit, me urdhër të prokurorit, të dyshuarit janë liruar në procedurë të rregullt, ndërsa rasti po vazhdon të hetohet.
“PODUJEVË 29.10.2025 – 10:30. Njësitë relevante policore, kanë bërë bastisje në tri lokacione dhe kanë arrestuar dy të dyshuar meshkuj kosovarë. Të dyshuarit me qëllim të përfitimit material, kanë shpërndarë video dhe foto në internet (rrjete të ndryshme sociale), duke shfaqur kartela të bardha, për të cilat kanë postuar se janë të mbushura me shuma të ndryshme të parave dhe janë të gatshme për blerje. Në cilësi të provave materiale nga të dyshuarit janë konfiskuar dy llaptopë, tre telefona celularë, kartëmonedha imituese 5, 10 dhe 20 euro me të cilat është simuluar kryerja e veprës online, kartelë e bardhë dhe tri pistoleta me gaz me 17 fishekë, për të cilat armë është iniciuar rast i veçante në SP Podujevë. Të dyshuarit pas intervistimit me urdhër të prokurorit janë liruar në procedurë të rregullt”,thuhet në raportin policor./teve1.info/
