Po bastiset nga Gjykata Speciale shtëpia e ish-Komandantit të Përgjithshëm të Ushtrisë Çlirimtare të Kosovës, Sylejman Selimit.
Ekipi i Tëvë 1 i cili është duke qëndruar atje, ka bërë të ditur se para shtëpisë shihet pjesëtarë të Policisë së Kosovë.
Tëvë1.info ka dërguar pyetje në drejtim të Gjykatës Speciale, por të njëjtin nuk e kanë mohuar një gjë të tillë dhe kanë deklaruar se janë duke kryer aksione të vazhdueshme.
“Dhomat e Specializuara po kryen operacione të vazhdueshme”, thuhet në përgjigje.
Ndryshe, në media është raportuar se është bastisur edhe shtëpia e ish-ministrit të Drejtësisë, Hajredin Kuçit – por nga Gjykata kanë dhënë përgjigjen e njëjtë si në rastin kur janë pyetur për Selimin.
“Komenti im i vetëm mbetet se SPO po kryen operacione të vazhdueshme” thuhet në përgjigjen e tyre drejtuar teve1.info
Ndërkohë ekipi i Tëvë 1 që po qëndron afër shtëpisë së Kuçit kanë thënë se dëshmitarët nuk kanë parë ekipe të policisë para shtëpisë së tij duke bastisur dhe as nuk kanë informata nëse është arrestuar./teve1.info
