Sonte zhvillohet ndeshja ndërmjet Anwilit dhe Bashkimit në kuadër të kualifikimeve për FIBA Europe Cup që po luhet në Poloni.
Kjo është përballja e dytë ndërmjet këtyre dy skuadrave, pasi Bashkimi javën e shkuar fitoi ndeshjen e parë në palestrën “Sezai Surroi” në Prizren.
Bashkimi ka epërsinë prej pesë pikëve nga ndeshja e parë, të cilën e fitoi me shifrat 80:75 dhe në Poloni i mjafton ta ruajë këtë epërsi për të siguruar fazën grupore të FIBA Europe Cup.
Për nënkampionin në fuqi të Kosovës, kjo është hera e parë që paraqitet në garat e FIBA-s dhe po synon ta shkruajë historinë me kualifikim në Grup.
Në rast se Bashkimi siguron fazën e grupeve, atëherë do të jetë pjesë e Grupit F, pjesë e të cilit tashmë janë Trepça, PAOK-u i Greqisë dhe Braunschweigu i Gjermanisë.
