Bashkimi është finalisti i dytë i Superligës së Kosovës në basketboll.
Bashkimi ka avancuar në finale pasi në gjysmëfinale të play-offit ka eliminuar Pejën, me rezultatin e përgjithshëm 3:1.
Në ndeshjen e katërt në Pejë, Bashkimi triumfoi me shifrat 84:78 për të avancuar në finale.
Në finale, Bashkimi do të përballet me Trepçën, seri që nis këtë vikend në Prizren.
Në duelin e katërt ndaj Pejës, Bashkimi ishte ekip më i mirë gjatë tërë kohës dhe me meritë u bë finalisti i dytë.
Wendell Green me 26 pikë ishte më efikasi te Bashkimi, ndërsa te Peja më i dalluari ishte Marquez Towns me 27 pikë të realizuara.
Pak para përfundimit, ndeshja u ndërpre për shkak të hudhjes së një mjeti shpërthyes në parket.
Megjithatë, ndeshja vazhdoi për ata pak sekonda dhe pasi u larguan shikuesit por nuk pati ndonjë ndryshim në rezultat.
Kampion i Kosovës shpallet ekipi që arrin katër fitore kurse Bashkimi ka përparësinë e terrenit ndaj Trepçës.
