Bashkimi ka fituar përballë Pejës në ndeshjen e parë çerekfinale të Kupës së Kosovës në basketboll.
Sfidën në palestrën “Sezai Surroi” në Prizren, ku ndodhi edhe incidenti ndaj Dardan Berishës i cili u shënua pas hedhjeve të gjësendeve në parket nga shikuesit shtatë minuta para pushimit, Bashkimi e fitoi me rezultatin 96:90.
Berisha i skuadrës pejane pati të çarë në ballë, dhe skuadra u tërhoq nga parketi, për t’u kthyer pas afro 40 minutave.
Loja vazhdoi, ndërsa u zbraz një pjesë e tribunës qendrore.
Në pjesën e parë, Bashkimi krijoi epërsi prej tetë pikëve, 48:40.
Çereku i tretë ishte i barabartë, 24:24, ndërsa dhjetëminutëshin e fundit, Peja e fitoi me rezultatin 26:24.
Ndeshja kthyese do të luhet pas dy javësh në palestrën “Karagaçi” në Pejë.
Shannon Shorter ishte më i dalluari te prizrenasit në fitore me 27 pikë, katër kërcime e po aq asistime, kurse Isiah Cousins dha 17 pikë e 10 asistime.
Kapiteni Dardan Berisha, te Peja i pati 20 pikë, katër kërcime e dy asistime, ndërsa Tajh Green. Green regjistroi “double-double” me 10 pikë e 12 kërcime.
