Ministria e Kulturës, Rinisë, dhe Sportit ka bërë të ditur se në vazhdën e bashkëpunimeve kulturore mes Kosovës dhe Shqipërisë do të haper ekspozita e përbashkët e të dy vendeve “Thesare të Muzeut Historik Kombëtar”.
“Kjo ekspozitë përbëhet nga rreth 25 stenda, të cilat përmbajnë objektet e përzgjedhura nga pavijonet e muzeut. Muzeu Historik Kombëtar krahas objekteve të shumta, ka edhe një koleksion të pasur artefaktesh arkeologjike. Larmia e objekteve mesjetare të ekspozuara synon të ofrojë një panoramë gjithëpërfshirëse të kulturës materiale, që u formua në territorin e Shqipërisë”, thuhet në njoftim.
Thesare të Muzeut Historik Kombëtar” hapet me datën 30 Mars 2022, ora 18:00, në Muzeun Kombëtar të Kosovës.
