Në kuadër të përgatitjeve për protestën e paralajmëruar më 17 tetor në Tiranë, Organizata e Veteranëve të Luftës së UÇK-së (OVL e UÇK-së) ka shpërndarë një video-thirrje drejtuar qytetarëve për të marrë pjesë masivisht në këtë protestë, e cila ka për qëllim mbështetje për ish-krerët e UÇK-së.
“Shqiptarë kudo që jetoni, kategoritë e dala nga lufta e UÇK-së ju ftojnë të bashkoheni masivisht në protestën gjithëkombëtare në përkrahje të ish-udhëheqësve të UÇK-së dhe shtetit të Kosovës, të cilët po gjykohen padrejtësisht në Hagë,” thuhet në mesazhin e shpërndarë nga OVL e UÇK-së.
Protesta do të mbahet në sheshin “Skënderbej” në Tiranë, më 17 tetor në orën 17:00.
“Të bashkohemi të gjithë pa dallim për të kërkuar drejtësi për çlirimtarët,” thotë më tej mesazhi i organizatës, duke ftuar qytetarët që të bashkohen për të kërkuar drejtësi për ish-pjesëtarët e UÇK-së, të cilët po përballen me akuza në Hagë
