Kolonës nuk po i shihej fundi.
Njësoj sikurse durimit të shoferëve.
Pika kufitare në Merdare, të shtunën ishte e stërngarkuar.
Kjo po shkakton edhe nervozizëm tek mërgimtarët – të cilët kanë marrë rrugë për t’u kthyer në vendet perëndimore.
Ata po e lënë fajtore palën serbe.
Ndërsa, pritja e tyre është hiç më pak se mbi shtatë orë.
E dikush po përkujdeset për sigurinë e tyre dhe që rendi të jetë në rregull.
Tëvë1 mëson jozyrtarisht nga mërgimtarët, se njëra nga shkaqet e vonesave të procedurave nga pala serbe, është festa e Krishlindjeve ortodokse dhe numri i vogël i stafit që qëndronte në pikën kufitare në Merdarë.
Situatë e njëjtë ishte edhe tek Dheu i Bardhë.
Mbi katër orë ishin pritjet në këtë pikë kufitare.
E kjo nuk ishte pritja e vetme për bashkëatdhetarët tanë.
Kufiri Serbi – Kroaci, ishte i stërngarkuar përgjatë gjithë ditës.
Kronika e realizuar nga gazetari Arton Rama.
