Deputeti i LVV-së, Dimal Basha ka thënë se Mimoza Kusari-Lila ka bërë gabim që ka biseduar me Slavko Simiqin e Listës Serbe për veteranët.
Basha në emisionin “Info Nata” në Tëvë 1 tha se kjo qeveri asnjëherë nuk është varur nga Lista Serbe dhe e rëndësishme është që në këtë bisedë nuk ka pasur ‘pazare’.
“Besojë që është komentuar mjaftueshëm, z.Kusari-Lila krejt ato që i keni dëgju, më rëndësi është se nuk ka pasur asnjëherë asnjë pazare në mes nesh, ose në këtë rast në mes të shefes së Grupit Parlamentare. Tjetra qysh do që e paketojnë, qysh do që mundohen më shitë kjo qeveri nuk është varë asnjëherë nga Lista Serbe…jo nuk mendojë që është dashur që të flasë më Simiqin për atë temë, mendojë që ka qenë e gabume që e ka qelë atë muhabet me Simiqin. Por, unë e kisha pasur probleme nëse ajo hynë në pazare për diçka, kur e dimë që ne nuk i bëjmë ato punë ajo nuk ka ndodhë dhe nuk ka dalë…krejt ato që i ka thanë ne i thojm edhe në parlament, por nuk është dashur që të flas direkt më të”.
Kujtojmë që sipas përgjimeve Kusari ka biseduar edhe me Radiojqiqin i cili gjendet në listën e zezë të SHBA-së.
