Deputeti i Lëvizjes Vetëvendosje, Dimal Basha ka reaguar pas deklaratës së KFOR-it, ku këta të fundit për sulmin ndaj gazetarëve kanë thënë se janë reaguesi i tretë për sigurinë dhe përgjegjës është Policia.
Ai ka drejtuar një pyetje duke thënë se si ka mundësi që KFOR-i nuk i ofrojë strehim një gazetari derisa sulmohet nga bandat.
“KFOR-i paska thanë se ne jemi reaguesi i tretë dhe përgjegjës është Policia! Në rregull, mirëpo vërejtja jonë është si ka mundësi KFOR-i nuk i ofron strehë një gazetari derisa sulmohet nga banditë, e për më tepër në këtë video shihet si KFOR-i e shtyen atë, duke i refuzu strehim? Sikur të ishte një ushtar, mundemi me pa si gabim individual, por jo kur janë gjithë ata ushtarë, sepse kjo nuk besoj që është profesionale, as njerëzore, dhe nuk i bën nder as KFOR-it!”, ka shkruar Basha në Facebook.
