Ai në emisionin “Ditari” në Tëvë 1 potencoi se njëra nga pikat që është larguar nga marrëveshja paraprake është se marrëveshja do implementohej një vjet pas anëtarësimit të Kosovës në organizata ndërkombëtare.
“Marrëveshjen për energji e kemi rishqyrtuar, për shkak se shumë sende në 2013 dhe 2015 që janë të këqija s’janë më. Aty thotë se një vit pas anëtarësimit në CE dhe në organizatë tjetër ndërkombëtare do të fillojë implementimi. Domethënë ka mund të shkojnë 3-4 vjet pas arritjes së marrëveshjes që ne prapë me ia pagu rrymën serbëve në veri, pra është rishqyrtuar dhe kemi nxjerrë më të mirën prej të keqes që kanë lënë këta”, tha ai.
Madje, ai shtoi se nëse do të ishin në pushtet nuk do të bënin ndonjë marrëveshje të tillë.
“Këto marrëveshje i kemi gjetë, a do t’i bënim ne? Kurrë. Domethënë unë e ti që s’kemi bërë marrëveshje ndërkombëtare kurrë do ta bënim më mirë se këta që e kanë bërë”, shtoi Basha./teve1.info
