Kuvendi i Kosovës është konstituuar zyrtarisht, pas një bllokade që zgjati nga 15 prilli i këtij viti. Me zgjedhjen e Nenad Rashiqit nga komuniteti serb si nënkryetar i pestë, u përmbyll procesi i funksionalizimit të plotë të këtij institucioni.
Kryetari i Kuvendit, Dimal Basha, pas seancës ka vlerësuar se procesi ka qenë i rregullt dhe i qetë.
“Kam kënaqësinë të ju njoftoj se kemi zgjedhur nënkryetarin e fundit, dhe rrjedhimisht kemi konstituimin e Kuvendit të Republikës së Kosovës, i cili ka filluar më 15 prill, ku janë bërë gati gjashtë muaj,” tha Basha.
Ai ka falënderuar të gjithë deputetët që mundësuan votimin e Rashiqit, duke theksuar se tashmë Kuvendi mund të vazhdojë normalisht punën e tij.
“Mendoj se ka qenë një procedurë e rregullt, e mirë, gjithçka ka shkuar mirë dhe për pasojë unë jam këtu për t’i falënderuar të gjithë deputetët e Kuvendit që kanë mundësuar votimin e nënkryetarit të pestë. Tani e tutje Kuvendi mund ta vazhdojë punën e vet,” u shpreh kryetari Basha.
