Ministri i Shëndetësisë, Arben Vitia ka pritur në takim ambasadoren e Kroacisë në Kosovë, Danijela Barisiq, më të cilën ka diskutuar sfidat në fushën e shëndetit publik si dhe mundësinë e bashkëpunimit në të ardhmen.
Në njoftimin për media nga MSH-ja, kanë bërë të ditur se gjatë këtij takimi Vitia e falënderoi Barisiq për mbështetjen që Kroacia ia ka dhënë Kosovës gjatë pandemisë, si dhe diskutuan për mundësinë e një memorandumi të bashkëpunimit për shkëmbimin e përvojave dhe trajnimin e stafit shëndetësor.
Po ashtu, Barisiq ka ripërsëritur qëndrimin se vendi i saj do të vazhdojë mbështetjen për Kosovën, derisa mbetet e përkushtuar për të forcuar bashkëpunimin në sektorin e shëndetësisë ndërmjet dy shteteve. /Teve1.info/
